NURU THE LIGHT: Edward Ngoyai Lowassa

Wednesday, August 12, 2015

EDWARD NGOYAI LOWASSA!!!

Ninapenda kuwajulisha Watanzania wote kuwa siku ya Jumatatu tarehe 10 kuanzia saa 3 asubuhi, tutakwenda kuchukua fomu ya kuwania Urais wa Jamhuri ya Muungano wa Tanzania, Tume ya Taifa ya Uchaguzi nikiwa na mgombea mwenza, ndugu Juma Haji Duni. Safari yetu itaanzia makao makuu ya CUF na baada ya kuchukua fomu tutamalizia makao makuu ya CHADEMA.

Hakuna maneno yanatosha kuelezea furaha yetu leo, kwa maandamano haya ya amani na ya kihistoria nchini kutusindikiza mimi pamoja na Juma Duni kwenye ofisi za Tume ya Uchaguzi. Mmetupa nguvu na imani kubwa kwa wingi na hamasa mliyokuwa nayo. Mmethibitisha kuwa wananchi wakiamua hakuna anayeweza kupinga. Nimeona kiu ya mabadiliko na kwa hakika tupo tayari, na ninawaomba tuendeleze moto huu mpaka October.
Asanteni Sana.

Friday, August 7, 2015

ONTO OTHER NEWS!!!

Baadhi wasanii na wadau wa tasnia ya burudani Bongo, walikuwa na hafla ya kumuaga na kumshukuru Rais wa Jamuhuri ya Muungano wa Tanzania Jakaya M Kikwete, iliyofanyika katika ukumbi wa Mlimani City jana.

Wasanii hao walimshukuru na kumpongeza JK, kwa kile walichokiita kutatua matatizo yanayoikumba tasnia ya burudani kwa kiasi kikubwa.

‘Well’ sasa leo kumeibuka sintofahamu, kutoka kwa wasanii wawili wakongwe wa ‘game’ ya Bongo Flava rapper Soggy Doggy ‘Hunter’ na RNB star Rama Dee, wakidai hafla hiyo haikuandaliwa na wasanii bali imeandaliwa na mtu ambaye sikuzote wanamtuhumu kuwa ndio anayehusika kuwagawa wasanii katika matabaka.

Kupitia kupitia ukurasa wake wa Instagram, Rama dee amebainisha hayo huku akisisitiza kuendelea kupigania haki yake kama msanii.Aliyewaweka wasanii pamoja jana ndie mwenye kuvuruga umoja wa wasanii siku zote, yupo nyuma ya wasanii” ameandika Rama Dee.

Nae rapper Soggy Doggy, amefunguka kuwa haimuingii akilini wasanii kugharamia shughuli ya jana Mliman City, wakati wengi wao wakiumwa hushindwa kufikisha hata milioni 2 ya mchango kwa ajili ya matibabu.

“Maswali ya kujiuliza kuhusu dinner iliyoandaliwa na umoja wa wasanii ambao haujawahi kuwepo
1.umoja huo umeanzishwa lini na viongozi wao wakina nani?
2. Wasanii wanatambua kuwa kuna umoja wa wasanii tena usiokuwa na jina?
3. Kama wasanii waliandaa kumuaga rais kwanini kulikuwa na rundo la viongozi wa chama tena wa chama kimoja cha siasa?
4.magufuli kapewa nafasi ya kipekee kaenda kama mgombea au waziri?
5. Nani aligharamia gharama za sherehe?
6. Wasanii wamepata wapi hizi pesa wakati wenzao wakiumwa wanaandaa matamasha na kuweka viingilio kuchangia na hawapati zaidi ya million 2?
7. Kwanini wasanii ambao ndio wanadai kumualika muheshimiwa rais waliandaliwa kadi ya mualiko badala ya wao kumuandalia muheshimiwa rais kadi ya mualiko?. Tafakari chukua hatua.” Ameandika Soggy.

Katika ‘line’ nyingine, wakongwe hawa wameshindwa kumuweka bayana Yule wanayemuita muandaaji wa hafla nzima ya jana.