SOMETHING TO THINK ABOUT,IT MAKES YOU THINK HAAH!!!

MASOUD KIPANYA!!

MASOUD KATIKA UBORA WAKE!!!

SARCASM AT IT!S BEST!!!

MASOUD KIPANYA SAID!!!

Kwa mara ya kwanza kabisa katika
maisha yangu najuta kabisa kuwa
mtanzania, taifa la watu wajinga,
taifa lisilo na mbele wala nyuma,
jambo ambalo hata mtoto mdogo
haliwezi kumsumbua eti majitu
mazima yanapiga yowe kuwa dola
imepanda. Mnataka shilingi ya
Tanzania ipande kwenda wapi?
Wasomi gani nyie msiojua uchumi?
Sh ya Tanzania ipande kwa lipi?
Mnazalisha nini hapa Tanzania ili
kuinua uchumi?
Kila kitu watanzania mnanunua nje
ya nchi, wewe unayesoma hapa
hebu jikague umevaa mavazi ya
wapi? Kuanzia viatu, suruali,
chupi,soksi, shati hadi saa vyote ni
nje ya nchi, magari yote, pikipiki
na vipuri ni nje ya nchi hadi
sindano, stick za meno na sukari
mnaagiza nje, wakulima wa
machungwa Muheza wanakufa njaa
nyie mnaagiza machungwa kutoka
South africa na juice kutoka Kenya,
taifa gani hili? More imports than
exports halafu eti shilingi ipande,
watanzania mnapenda kuishi
kimiujiza kuliko uhalisia, ndio
maana wengi wenu ni washirikina
wa kutupwa, viwanda mmeua
halafu shilingi ipande, tena ngoja
sasa hivi dola moja itakuwa sh
5,000 tuone mtafanyaje......?
CHUKUA HATUA HAPO ULIPO

UPUUZI WA MASOUD KIPANYA!!

UPUUZI WA MASOUD KIPANYA ni documentary ya dakika 47 ambayo nimeirekodi mwaka juzi katika mazingira ya kijiji kilichotumika kurekodia MAISHA PLUS.

Mfumo nilioutumia ni kuongelea mambo mengi mchanganyiko na ili kuondoa uchovu wa kunitazama nikiongea, nimechanganya footages za videos, illustrations na animation (katuni) kuchagiza yale ninayokuwa nayazungumzia.

Ujumbe wa dvd hii ni nadharia ya vipande 26 vya keki. nikatengeneza MFANO wa uwepo wa idadi hiyo ya vipande vya keki ambavyo mara baada ya kuwekwa mbele ya watu (watanzania), kundi hilo la watu likataka kutoana roho ili kila mmmoja apate kipande cha keki hiyo, bahati nzuri wakatokea werevu (viongozi) ambao waling'amua kuwa kumbe idadi ya vipande vya keki (26) ni sawa kabisa na idadi ya watu waliokuwepo ambao walikuwa wanakaribia kutoana roho.

Werevu hawa wakawaambia watu hawa kuwa hatuna haja ya kung'oana meno wakati idadi yetu ni sawa kabisa na vipande vilivyopo, ukatengenezwa uataratibu wa kupanga foleni ili kila mmoja apite mbele achukue KIPANDE chake. baada ya kukubaliana hilo, bado werevu wakaona ni vema foleni hii iangalie walio dhaifu ili wawe mbele wawahi kupata keki kuchelea kuanguka kwa njaa.

Wakati vipande hivi vya keki vilipoanza kugawiwa, hawa viongozi, (watatu) wakaamua nao kwa kuwa ni sehem ya watu 26 kuchukua VIPANDE VYAO MAPEMA, bahati mbaya baadhi yao kutokana na kuwa karibu na meza ya keki na kutokana na ULAFI, wakaamua kuchukua zaidi ya kipande kimoja cha keki hali iliyopelekea watu wa mwishoni katika foleni ile kukosa vipande vyao.

dvd hii pia imeingia ndani kwa mafumbo kiasi kuangalia sababu inayopelekea watu kutaka kujipendelea zaidi kiasi cha kupelekea kudhulumu wengine, ikajaribu pia kuangalia dawa inayoweza kutumiwa kuepuka hali hii ya uchu na tamaa inayosababishwa na hofu ya kujiuliza nitapata lini na woga wa kuhofia kupoteza kidogo alicho nacho mkononi.

Kwanini umeitwa upuuzi? kwa sababu ya tabia na hulka za binaadam kupenda kupuuza kila kitu, ni hili nalo limetengenezwa ili ulitazame kisha ulipuuze.

Concept: Ni documentary yenye sauti na picha za video pamoja na katuni mnato na katuni mtembeo (still cartoons and animation)

Wahusika wakuu: Masoud Kipanya

Itaingia lini sokoni: imeingia sokoni jana jumanne tarehe 15-11-2011 na inasambazwa na UMOJA AUDIO VISUAL.

Bei: Shilingi 3,000 tu.

Running time: Dakika 47

Sponsors: Hakuna mdhamini.

Future plans: Ni matayarisho ya upuuzi mwingine "WENYE NGUVU NA WAPAGAZI"

Nashukuru kwa ushirikiano wenu na mungu awabariki sana

MASOUD KIPANYA.